Иссиқхона газларини мустақил текшириш ташкилоти фаолияти йўлга қўйилади

Кимё саноати корхоналарининг иссиқхона газлари ажратмаларини хатловдан ўтказиш ва углеродни тартибга солиш механизмлари таъсирини баҳолаш режалаштирилмоқда.

2025 йилга мўлжалланган давлат дастури лойиҳаси муҳокама учун эълон қилинди.

Унга кўра, миллий шаффофлик тизими доирасида иссиқхона газларини мустақил текшириш ташкилоти (валидация ва верификация компанияси) фаолияти йўлга қўйилади.

Иссиқхона газлари ажратмаларини текшириш ташкилоти (валидация ва верификация компанияси) белгиланган тартибда аккредитациядан ўтказилади.

Кимё саноати корхоналарининг иссиқхона газлари ажратмаларини хатловдан ўтказиш ва углеродни тартибга солиш механизмлари таъсирини баҳолаш режалаштирилмоқда.

Маҳаллий кимё саноати маҳсулотларини ишлаб чиқарувчи 2 та корхонанинг иссиқхона газлари ажратмалари тажриба–синов тариқасида хатловдан ўтказилади.

Хатлов натижасидан келиб чиқиб, халқаро талабларга тайёргарлик даражасини ошириш бўйича таклифлар ишлаб чиқилади ва Вазирлар Маҳкамасига киритилади.