Трамп Украинада урушни тўхтатиш учун ОПEКни яна нефт нархини туширишга чақирди

АҚШ президентига кўра, нефтнинг арзонлашуви Москва даромадини камайтиради ва Украинадаги урушга таъсир кўрсатади. «Улар бу ишни нима учун сайловгача қилишмаганига ҳайронман», дейди Трамп.

Фото: AFP/Getty Images

АҚШ президенти Доналд Трамп Саудия Арабистони ва ОПEКни нефт нархини яна туширишга чақирди. Унинг фикрича, бу Россиянинг Украинага қарши урушини тезроқ тўхтатишга ёрдам беради.

«РБК-Украина»нинг маълум қилишича, Доналд Трамп бу ҳақида Давосда ўтказилган Жаҳон иқтисодий форумидаги чиқиши вақти таъкидлаган.

«Мен Саудия Арабистони ва ОПEКдан нефт нархини яна туширишни сўрайман. Улар бу ишни нима учун сайловгача қилишмаганига ҳайронман. Агар нархлар тушганида, Россиянинг Украинага қарши уруши тез якунланган бўларди», — дейди Трамп.

Унинг фикрича, нефт нархи қиммат бўлар экан, уруш давом этади. «Сиз нефт нархини тушириб, урушни тугатишингиз мумкин. Буни аллақачон қилиш керак эди, бу сизлар томондан йўл қўйилган масъулиятсизлик», — дея таъкидлайди АҚШ президенти.

Нефтнинг энг юқори нархи

«Катта саккизлик» давлатлари Россия нефтига энг юқори нархни 2022 йил охирида жорий этганди. Шундан кейин Россия Ғарб чекловларини четлаб ўтиш ва ўз нефтини одатдаги нархда сотиш эвазига «соядаги флоти»ни яратди.

Европа Иттифоқи Россияга қарши санкцияларининг 15-пакетини «соядаги флот»га қаратди. Санкциялар рўйхатидан учта мамлакатнинг 52 та кемаси ўрин олган.

Шунингдек, ЕИга аъзо олтита мамлакат Европа комиссиясини G7 давлатлари томонидан Россия нефтининг бир баррели учун 60 доллар миқдорида ўрнатилган нархини туширишга чақирган. Бу бозорда шок ҳолатда юзага келтирмайди, бироқ Москванинг Украинага қарши урушини давом эттиришга йўналтираётган даромадларини камайтиришга хизмат қилади.