Ўзбекистон аҳолисининг умумий даромадлари 896 трлн сўмни ташкил этди

2024 йилнинг январ-декабр ойларида Ўзбекистон аҳолисининг умумий даромадлари 896,3 триллион сўмни ташкил қилди.

Фото: Kun.uz

Статистика агентлиги хабар беришича, истеъмол нархларининг ўзгариши сабабли 2023 йилга нисбатан аҳоли умумий даромадларининг реал ўсиш суръати 108,1 фоизни ташкил этди.

Аҳолининг умумий даромадлари номинал ўсиш суръати эса 118,5 фоизни ташкил қилган.

Аввалроқ Статистика агентлиги 2024 йили 10 842 нафар ўзбекистонлик хорижий давлатларга доимий яшаш учун кўчиб кетганини маълум қилганди.