Қўшимча функционаллар
-
Тунги кўриниш
Бухорода машинасининг давлат рақамини ўзгартириб бошқариб юрган ҳайдовчи 145 марта радарга тушди
Ҳайдовчининг жарималари миқдори қарийб 90 млн сўмга етган. У «Митсубиши» машинасига тақилган Россияга тегишли давлат рақам белгисини ўзгартириб, юқори тезликда ҳаракатланиб юрган. Қидирувга берилган машина 10 феврал куни Бухоро шаҳрида ушланган.
Бухорода машинасининг давлат рақам белгисини ўзгартириб бошқариб юрган ҳайдовчи аниқланди. Бу ҳақда Бухоро вилояти ЙҲХБ матбуот хизмати раҳбари Улуғбек Шукуруллаев хабар берди.
Маълум қилинишича, вилоятнинг Вобкент туманида яшовчи шахс ўзининг «Митсубиши» машинасига тақилган Россияга тегишли давлат рақам белгисини ўзгартириб, юқори тезликда ҳаракатланиб юрган. У бошқа бир давлат рақами белгисининг ҳудудга тегишлилигини билдирувчи 116 RUS қисмини кесиб олиб, ўзининг Е 116 АС 702 RUS давлат рақамининг 702 RUS қисмига ўрнатиб юрган.
Ҳайдовчи айни шу тариқа ҳаракатланиб юриб тезликни оширгани учун 145 марта радарга тушган. Шундан сўнг машина қидирувга берилган. Унинг жарималари миқдори 89 млн 147 минг сўмга етган.
Машина ва унинг эгаси 10 феврал куни Бухоро шаҳрида ушланган. Машина жарима майдонига қўйилган.
Аввалроқ Самарқандда бошқа машинанинг рақамини тақиб 76 марта қоида бузган ҳайдовчи ушлангани хабар қилинганди.
Мавзуга оид
16:16 / 16.05.2025
Танзила Норбоева Бухорода жиноятчиликка қарши курашиш масалаларини муҳокама қилди
14:39 / 16.05.2025
Бухорода йўлдан ўтаётган аёл экскаватор босиб кетиши оқибатида ҳалок бўлди
19:05 / 12.05.2025
Бухоро шаҳрида 3 та машина ёниб кетди
14:03 / 11.05.2025