Америкаликларнинг 55 фоизи Маск қарор қабул қилинишида ҳаддан ортиқ таъсирга эга деб ҳисобламоқда

Америкаликларнинг 55 фоиздан ортиғи Илон Маск мамлакатга таъсир кўрсатадиган қарорларнинг қабул қилинишида ҳаддан ортиқ катта кучга эга деб ҳисобламоқда. Бу ҳақда Квиннипиак университети томонидан ўтказилган сўров натижаларида сўз боради.

Қайд этилишича, сўров 3-17 феврал кунлари АҚШда рўйхатга олинган 1039 нафар сайловчи ўртасида ўтказилган. Респондентларнинг 55 фоизи Маск қарор қабул қилинишида ҳаддан ортиқ таъсирга эга дея ҳисоблаган. Шу билан бирга, респондентларнинг 36 фоизи Маск мамлакатга таъсир қилувчи қарорлар қабул қилиш учун етарли кучга эга деган бўлса, 3 фоизи эса унда жуда кам куч бор деб ҳисоблаган.

Сўровда иштирок этган демократларнинг 1 фоизи, мустақил респондентларнинг 33 фоизи ва республикачиларнинг 78 фоизи Маскни етарлича таъсир доирага эга деб топган.

Натижаларга кўра, ўтган ойдаги сўровга нисбатан Маскнинг Трамп маъмуриятидаги етакчилик ролини маъқулламаган сайловчилар улуши бироз ошган.

Маскнинг етакчилик ролини маъқуллаётганлар улуши 54 фоизни, унга қаршилик билдираётганлар эса 42 фоизни ташкил этган.