Оммавий тартибсизликларни содир этиш мақсадида ўқувдан ўтганлар жиноий жавобгарликка тортилади

Сенатнинг ялпи мажлисида “Жиноят кодексининг 244-моддасига ўзгартириш киритиш тўғрисида”ги қонун кўриб чиқилди.

Фото: Олий Мажлиси Сенати

Жиноят кодексининг 244-моддасида оммавий тартибсизликлар ташкил қилганлик, уларда фаол қатнашганлик ва фуқароларга нисбатан зўравонлик қилишга омма олдида даъват қилганлик учун жиноий жавобгарлик белгиланган.

Кодекс билан оммавий тартибсизликлар содир этиш мақсадида ўқувдан ўтганлик, жумладан, қурол-яроғ, портловчи, атрофдагилар учун хавф туғдирадиган бошқа буюмлар билан муомала қилишни ўрганганлик ҳамда оммавий тартибсизликларни ташкил қилиш фаолиятини молиялаштирганлик учун жавобгарлик назарда тутилмаган.

Жиноят кодекси 244-моддасининг учинчи қисмида оммавий тартибсизликлар содир этиш мақсадида ўқувдан ўтганлик ҳамда худди шу модданинг тўртинчи қисмида ушбу ҳаракатларни молиялаштирганлик учун жиноий жавобгарлик белгиланмоқда.

Муҳокамадан сўнг қонун сенатор томонидан маъқулланди.