Қўшимча функционаллар
-
Тунги кўриниш
КХДР Сариқ денгиз томон баллистик ракеталар учирди
Бунга Сеул ва Вашингтон «Озодлик қалқони» номли ҳарбий ҳамкорликдаги ўқув машғулотларини бошлагани сабаб бўлмоқда.
Фото: AP
Шимолий Корея Сариқ денгиз томон бир нечта баллистик ракетани учирди. Бу Сеул ва Вашингтон «Озодлик қалқони» номли ҳарбий ўқувларни бошлаганидан бир неча соат ўтиб амалга оширилди, деб хабар беради Euronews.
Пхенян мазкур ўқув машғулотларини Корея яриморолидаги вазиятни кескинлаштирадиган «хавфли провокация» деб атамоқда.
Жанубий Корея Штаб бошлиқлари бирлашган қўмитаси ракеталар КХДРнинг Хванхэ провинциясидан учирилганини маълум қилди. «Бизнинг қуролли кучларимиз огоҳлик ва кузатув чораларини кучайтирди, АҚШ билан ҳамкорликда тўлиқ шай ҳолатда турибди», — дейилади хабарда.
«Озодлик қалқони» ўқувлари қўмондонлик-штаб тайёргарликлари ва унга боғлиқ дала машғулотларини ўз ичига олиб, 20 март кунига қадар давом этади.
Эслатиб ўтамиз, январ охирларида Ким Чен Ин КХДР ядровий қалқонини мустаҳкамлашни буюрганди. Унинг айтишича, ядровий материаллар ишлаб чиқариш режасини янада ошириш ва «мамлакатнинг ядровий қалқонини мустаҳкамлашда новаторлик натижаларига эришиш» керак.
Мавзуга оид
21:48 / 16.04.2025
КХДР Украинадаги уруш ортидан 20 млрд долларга яқин даромад кўрди — Жанубий Корея
21:51 / 15.04.2025
Reuters: Россия фронтда фойдаланаётган ўқ-дориларнинг ярмини КХДР етказиб бермоқда
00:15 / 15.04.2025
КХДРда мамлакат тарихидаги энг катта ҳарбий кемани қуриш бошланди
18:28 / 08.04.2025