Қўшимча функционаллар
-
Тунги кўриниш
Трамп Зеленский истеъфога чиқмагунча Украинага ёрдам кўрсатишни тикламайди – ОАВ
Доналд Трамп Украина президентини қурол-яроғ билан шантаж қилмоқда, деб ёзди Bild.
Фото: Getty images
Қўшма Штатлар Украинага ҳарбий ёрдам етказиб беришни президент Владимир Зеленский истеъфога чиқмагунича тиклашни режалаштирмаяпти.
«Доналд Трамп Зеленскийни қурол-яроғ билан шантаж қилмоқда, унинг президентликдан кетиши ва Украинада сайлов ўтказилишини талаб қилмоқда», деб ёзди Bild.
Аввлароқ, Америка расмийлари Зеленскийнинг сиёсий рақиблари Юлия Тимошенко ва Пётр Порошенко билан учрашиб, эҳтимолий сайловни муҳокама қилгани ҳақида хабар берилган эди.
Шу билан бирга, сиёсатшунос Томас Йегер сўзларига кўра, Трамп Зеленский билан 2020 йилда Ҳантер Байден воқеаси бўйича орани очиқ қилмоқчи. Ўша вақтда Зеленский Жо Байденнинг ўғли Ҳантер Байденни обрўсизлантирувчи маълумотларни Трампга бермаган эди.
Таъкидланишича, Путинга ҳам уч йилдан ортиқ вақтдан бери қаршилик қилаётган Зеленский номзоди ёқмайди.
«Россия ташқи ишлар вазири Сергей Лавров уч ҳафта олдин америкалик ҳамкасби Марко Рубио билан учрашувда: «Зеленский билан ҳеч нарсага эришиб бўлмайди», деганига ишонаман», деб таъкидлади Йегер.
Шу билан бирга, Йегер Украинадаги эҳтимолий янги сайловни ташкил қилиш қийин бўлишидан огоҳлантирди ва: «бу Путинга натижаларни манипуляция қилиш учун идеал имконият бўлади», деди.
Мавзуга оид
00:42
АҚШ ва Украина молия вазирлари даражасида нодир металлар бўйича битимни келишиб олди
23:40 / 11.03.2025
«Қувур операцияси»: руслар уни «урушдаги бурилиш нуқтаси» дейишмоқда
23:36 / 11.03.2025
Украина ва АҚШ Жиддада музокараларни якунлади. Киев 30 кунга ўт очишни тўхтатишга рози бўлди
22:44 / 11.03.2025