BYD электромобилларни 5 дақиқада қувватлаш имконини берадиган янги тизимни тақдим этди

Хитойнинг BYD компанияси 1 000 вольтли архитектурага эга янгиланган электромобиль платформасини ишга туширди, деб хабар беради Reuters.

Қайд этилишича, бу электромобилларни анъанавий автомобилларга бензин қуйиш жараёни каби тезликда қувватлаш имконини беради.

BYD асосчиси Ван Чуанфунинг сўзларига кўра, янги платформадаги автомобиллар 1 000 киловаттгача қувватда қувватланади ва атиги беш дақиқалик қувватлашдан сўнг 400 километр масофани босиб ўта олади.

Унинг айтишича, 1 000 вольтли архитектура асосида ишлаб чиқариладиган илк электромобиллар Han L седан ва Qin L йўлтанламаси бўлади.

Автомобилсозлик компанияси, шунингдек, Хитойда 4 мингдан ортиқ ультратез қувватлаш станцияларини қуришни режалаштирмоқда, бироқ лойиҳани амалга ошириш муддати ва инвестиция ҳажмини ҳозирча очиқламаган.