Қўшимча функционаллар
-
Тунги кўриниш
Буюк Британия қамоқхоналарида бўш жойлар кам қолгани маълум қилинди
Ҳозирда мамлакат қамоқхоналарида атиги 800 та бўш жой қолган. Расмийлар бу қисқа фурсатда тўлишини айтмоқда.
Фото: AP
Буюк Британия қамоқхоналарида атиги 800 та жой қолгани боис яқин ҳафталарда маҳбуслар жазони вақтинча сақлаш изоляторларида ўташга мажбур бўлади. Жазони ижро этиш хизмати ва Миллий полиция бошлиқлари кенгаши ўртасида бу борада келишувга эришилган, деб хабар бермоқда Sky News.
Ҳозирда Британия қамоқхоналарида 87 минг 556 нафар маҳбус сақланмоқда. Расмийларнинг таъкидлашича, бўш турган жойлар тезда тўлади, шу боис бир неча ҳафтага бўлса ҳам вақтинча сақлаш изоляторлари каби тегишли тартибда жиҳозланган муассасалар талаб этилади.
«Ҳимоя» операцияси номли келишув идоралар ўртасида 2006 йилда қамоқхоналарнинг тўлиб кетиш муаммосини фавқулодда ҳал этиш мақсадида имзоланган. Охирги марта ундан 2024 йил май ойида фойдаланилган эди. Ўтган йилнинг сентябрида Британия ҳукумати зўравонлик билан боғлиқ бўлмаган ва жазо муддатининг 40 фоизини ўтаб бўлган маҳбуслар сонини кескин қисқартиришни бошлаган. Аммо ушбу чора кутилганидек натижа бермади.
Ҳукумат 2031 йилга қадар 14 минг маҳбус учун янги қамоқхоналар қуришни режалаштирмоқда.
Эслатиб ўтамиз, 2024 йил август ойида Британия ўз маҳбуслари учун Эстония қамоқхоналарини ижарага олиши мумкинлиги тўғрисида хабар берилганди. Шунингдек, Буюк Британияда судяларга кичик жиноятларда айбланганларни қамоқ жазосига маҳкум қилмаслик тавсия берилган.
Мавзуга оид
16:41 / 17.03.2025
The Times: Британия Украинага тинчликпарвар кучларини «қанча керак бўлса, шунча муддатга» жойлаштиришга тайёр
11:40 / 15.03.2025
Кенияда президент кортежи британиялик эркакни уриб кетиб, унинг ўлимига сабаб бўлди
21:03 / 12.03.2025
Индонезиядаги қамоқхонадан 50 дан ортиқ маҳбус қочиб кетди
17:23 / 11.03.2025