Парижда полиция мигрантлар эгаллаб олган театр биносида операция ўтказди

Операция давомида мигрантларнинг чиқариб юборилишига қаршилик кўрсатган норозилик намойиши иштирокчилари билан тўқнашув юз берди.

Фото: AP

Париж полицияси 18 март куни эрталаб мигрантлар томонидан ноқонуний равишда эгаллаб олинган «Лирик опера» биносида операция бошлади.

Қайд этилишича, юзлаб мигрантлар Франция пойтахти марказида жойлашган ушбу бинода уч ойдан ортиқ вақтдан бери яшаб келмоқда.

Француз ОАВга кўра, операция давомида мигрантларнинг чиқариб юборилишига қаршилик кўрсатган норозилик намойиши иштирокчилари билан тўқнашув юз берган. Полиция кўзни ёшлантирувчи газдан фойдаланганидан кейин намойишчилари вақтинча чекинган.

Франция адлия вазири Жералд Дарманен TF1 телеканали эфирида операция қонуний равишда ўтказилгани, чунки «ноқонуний оккупация ва жамоат тартибини бузишга чек қўйиш керак»лигини маълум қилди.

Париж полициясига кўра, 450 га яқин ёш мигрант 10 декабр куни театр биносини эгаллаб олган ва улар ўзларига бошпана тақдим этилишини талаб қилмоқда.

Парижнинг 20-округидан сайланган парламент аъзоси Даниэл Симонне ҳуқуқ-тартибот органларининг «зўравонлик билан аралашувини» қоралади. Полиция штаб-квартирасида эса қўлга олинганларни жойлаштириш бўйича ечимлар таклиф этилиши лозимлигини таъкидлади.

#Франция #театр