Қўшимча функционаллар
-
Тунги кўриниш
Газ ва электр энергияси тарифлари оширилиши 1 майгача кечиктирилди
Президент ҳукуматга газ ва электр энергияси тарифларини оширишни бир ойга кечиктиришни топширди. Нархлар аввал режалаштирилганидек 1 апрелдан эмас, 1 майдан ошади.
Фото: Getty images
Газ ва электр энергиясига янги тарифлар 1 майдан кучга киради.Бу ҳақда Ўзбекистон бош вазири матбуот котиби Бекзод Ҳидоятов Kun.uz'га маълум қилди.
Президент Шавкат Мирзиёев аҳоли ва тадбиркорларни қўллаб-қувватлаш мақсадида тарифларни оширишни кейинга суришни буюрди, деди у.
Унга кўра, давлат раҳбари аҳоли, иқтисодиёт тармоқлари ва тадбиркорлик субъектларини ёқилғи-энергетика ресурслари билан ишончли таъминлаш бўйича кўрсатмалар берди.
Тарифларни оширишнинг иккинчи босқичи аввалроқ 1 апрелга режалаштирилган эди. Бу ҳукуматнинг 2024 йил 16 апрелдаги қарорида кўзда тутилган. Ҳужжатга тегишли ўзгартиришлар киритилган.
Ўсишнинг биринчи босқичи ўтган йилнинг май ойида кузатилган бўлиб, ўша пайтда ижтимоий истеъмол стандартлари жорий этилган. Аҳоли учун 1 кВт/соат электр энергиясининг базавий (ижтимоий меъёр доирасида) нархи 295 сўмдан 450 сўмга, 1 куб метр газнинг нархи 380 сўмдан 650 сўмга ошди. Истеъмол ҳажми ошгани сайин тариф бир неча баробар ортади.
1 майдан бошлаб электр энергияси учун базавий тариф (ойига 200 кВт/соат доирасида) 450 сўмдан 600 сўмга, газ учун 650 сўмдан 1000 сўмгача оширилади.
Мавзуга оид
12:34 / 28.03.2025
Суюлтирилган газ маҳсулоти ноқонуний сақланган «бункер» аниқланди
11:51 / 28.03.2025
Газ ва электр энергияси учун олдиндан тўлов қилинганда 2 ой эски тарифлар амал қилади
21:19 / 26.03.2025
Аҳмадхўжаев: “Одамлар одатланиб қолган истеъмол маданияти бўлмаганида, газ учта Ўзбекистонга етган бўларди”
20:39 / 26.03.2025