Қўшимча функционаллар
-
Тунги кўриниш
Рамзон Қодировнинг вояга етмаган ўғли Чеченистон полицияси куратори этиб тайинланди
17 ёшли Адам Қодиров 2023 йилда тергов изоляторида Қуръонни ёқиб юборган Никита Журавлевни калтаклаганидан кейин отасининг хавфсизлик хизматида иш бошлаган эди.
Фото: ТАСС
Чеченистон етакчиси Рамзон Қодировнинг кенжа ўғли, 17 ёшли Адам Қодиров Россия ИИВнинг минтақавий бўлинмаси куратори этиб тайинланди.
Табрикларни қабул қилгач, Рамзон Қодировнинг ўғли Чеченистон Ички ишлар вазирлигининг Ўз хавфсизликни таъминлаш бошқармаси оператив-қидирув бўлимига янги раҳбар тайинлади. Шундан сўнг у бир неча ходимга Чеченистон қаҳрамонлари медалларини топширди.
2023 йил ёзида Адам Қодиров тергов изоляторида Қуръонни ёқиб юборган Никита Журавелни калтаклаганди. Қодиров дўппослаш тасвирларини эълон қилган ва ўғлининг бу ишидан фахрланишини айтган эди.
Шундан сўнг Адам Қодиров бир қанча мукофотларга сазовор бўлди, отасининг хавфсизлик хизматида лавозимни эгаллади ва Россия Мудофаа вазирлиги таркибидаги «Шайх Мансур» баталйонига раҳбарлик қила бошлади. Унга Чеченистон Қаҳрамони унвони ҳам берилди. Декабр ойида эса Рамзон Қодиров суд унинг ўғлини жазолашга қарор қилмаганини, Чеченистон расмийлари ҳам бу билан шуғулланмаслиги кераклигини айтган.
2024 йил феврал ойида Рамзон Қодировнинг тўнғич ўғли Ахмат Қодиров ёшлар ишлари бўйича вазир этиб тайинланган эди. Жорий йил февралда бўлса, Чеченистон етакчисининг тўнғич қизи Айшат Қодирова республика ҳукуматида бош вазир ўринбосари лавозимидан кетганди.
Мавзуга оид
19:41 / 23.04.2025
Рамзон Қодировнинг вояга етмаган ўғли Чеченистон Хавфсизлик кенгаши котиби лавозимини эгаллади
08:29 / 09.04.2025
Адам Қодировга «махсус ҳарбий операция»даги ҳиссаси учун жанговар мукофот топширилди
18:24 / 19.03.2025
Рамзан Қодировнинг бош вазир ўринбосарлиги лавозимидан кетган қизи 3 млрд рубллик компания эгасига айланди
20:30 / 10.03.2025