NASA Ой билан тўқнашиши мумкин бўлган 60 метрлик астероидни намойиш этди

«Жеймс Уэбб» телескопи 2024 YR4 астероидини суратга олди.

Фото: NASA

NASA’нинг «Жеймс Уэбб» телескопи 2032 йилда Ой билан тўқнашиши мумкин бўлган 2024 YR4 астероидини суратга олди. Бу ҳақда Webb Space Telescope расмий сайти орқали маълум қилинди.

«Тадқиқотнинг асосий мақсади 2024 YR4’нинг ўлчамини аниқлаш эди — биз уни 60 метр атрофида деб баҳолаяпмиз. Бу тахминан 15 қаватли бино дегани», — дейди Жон Ҳопкинс университети астрономи Энди Ривкин.

Ривкиннинг сўзларига кўра, 2024 YR4’ни кузатиш келажакда Ерга хавф туғдириши мумкин бўлган бошқа астероидларни тадқиқ этишда «бебаҳо амалиёт» сифатида хизмат қилган.

NASA апрел ойида 2024 YR4’нинг Ой билан тўқнашиш хавфини 1,7 фоиздан 3,8 фоизга қадар оширган эди.

Январда астрономлар 2024 YR4’ни 2004 йилдан бери Ерга таҳдид уйғотаётган энг хавфли астероид деб атаганди. Ўшанда унинг Ер билан тўқнашиш эҳтимоллиги 6 фоизга баҳоланган. Кейинроқ ушбу кўрсаткичлар пасайтирилди. Февралда ESA тўқнашув хавфини 2,2 фоизга баҳолади.

Аввалроқ улкан ва эҳтимолий хавфли 2014 TN17 астероиди Ерга тахминан 77 300 км/соат тезликда яқинлашиши тўғрисида хабар берилганди. Космик саёҳатчи 5,1 миллион километр узоқликда учиб ўтади — бу Ойгача бўлган масофадан тахминан 13 баравар узоқдир.

#астероид #«Жеймс Уэбб» NASA