Tesla сотувлари 13 фоизга тушиб кетди

Маскнинг сиёсий иштироки ва заводни қайта жиҳозлаш фонида Tesla'нинг чораклик сотуви 13 фоизга камайди. Гап қарийб уч йиллик энг паст кўрсаткич ҳақида кетмоқда, деб ёзади Bloomberg.

Фото: Josh Edelson/AFP

Илон Маскнинг электромобиллар ишлаб чиқарувчи Tesla Inc. компанияси 2025 йилнинг биринчи чорагида 336 681 та машинани мижозларга етказиб берди, бу ўтган йилнинг шу даврига нисбатан 20 фоизга кам. Бу компаниянинг 2 апрел, чоршанба куни чоп этилган пресс-релизида келтирилган.

Гап деярли уч йиллик энг паст кўрсаткич ҳақида кетмоқда – 2022 йилнинг иккинчи чорагидан бери энг ёмон кўрсаткич, деб хабар берди Bloomberg. У сўров ўтказган таҳлилчилар компания ўртача 390 мингдан ортиқ енгил ва юк машиналарини сотишини кутишган.

Рақамлар Tesla ишида 2025 йил бошидаги узилишлар кўламини очиб беради. Компания янгиланган Model Y'ни ишлаб чиқариш учун бутун дунё бўйлаб заводларни қайта жиҳозлади, бу эса ишлаб чиқаришдаги йўқотишларга олиб келди.

Бундан ташқари, бизнесмен Маскнинг Америка ва жаҳон сиёсатига фаол аралашуви АҚШ ва Европада норозиликларга сабаб бўлди, дея қайд этади Bloomberg.

#Tesla #Илон Маск