Қўшимча функционаллар
-
Тунги кўриниш
Таниқли журналист Жасур Ҳамроев вафот этди
Шоу бизнес соҳасида узоқ йиллардан буён фаолият юритиб келган журналист Жасур Ҳамроев вафот этди.
Фото: Instagram/jasurhamroyev1
Буни Kun.uzʼга марҳумнинг дўстлари тасдиқлашди.
Жасур Ҳамроев 42 ёшда эди. У қандли диабет касалига чалингани ва сўнгги ойларда буйрак етишмовчилиги дарди билан оғриб келгани маълум қилинмоқда.
«Агар биз оддийроқ яшашни ва Аллоҳга таваккал қилишни ўргансак, кўп ташвишлардан халос бўламиз. Келинг, биргаликда ҳаётимизга кўпроқ илиқлик киритайлик, шунда биз ҳам, яқинларимиз ҳам ўзларини хотиржам ҳис қилишлари мумкин. Зеро, Аллоҳ таоло бизни ҳар қадамда асрайди, ҳар қандай тўсиқларни олиб ташлайди ва ҳаётимизни чексиз раҳматига тўлдиради...» деб ёзган эди у ижтимоий тармоқдаги сўнгги постларидан бирида.
Kun.uz жамоаси журналистнинг вафоти муносабати билан марҳумнинг оиласига ва яқинларига чуқур ҳамдардлик билдиради.