Қўшимча функционаллар
-
Тунги кўриниш
Андижонда юк машинаси йўл бўйидаги уйни бузиб, ичкарига кириб кетди
ЙТҲ транспорт воситасининг тормоз тизимидаги техник носозлик оқибатида юзага келган.
Фото: Видеодан кадр
Андижон вилояти Йўл ҳаракати хавфсизлиги бошқармаси Асака туманида содир бўлган йўл-транспорт ҳодисаси юзасидан маълумот берди.
Қайд этилишича, 8 апрел куни соат 13:10 ларда Асака тумани Янгисор маҳалласи ҳудудида иккинчи даражали йўлдан ҳаракатланиб келаётган «Зил ММЗ» русумли юк машинаси йўл бўйидаги хонадонга бориб урилган. Ҳодиса транспорт воситасининг тормоз тизимида келиб чиққан техник носозлик сабаб юз берган.
Ижтимоий тармоқларда тарқалган видеодан кўриш мумкинки, «Зил» хонадон деворини бузиб кириб кетган ва унинг устига уй томининг бир қисми қулаб тушган.
Ушбу йўл-транспорт ҳодисаси оқибатида юк машина ҳайдовчиси олган тан жароҳати билан туман шифохонасига ётқизилган. Бошқа фуқароларга зарар етмаган.
Ҳолат юзасидан ҳозирда Асака тумани ИИБ ЙҲХГ ходимлари томонидан суриштирув ишлари олиб борилмоқда.
Мавзуга оид
18:20 / 11.04.2025
Наманганда ЙПХ машинаси билан тўқнашган Cobalt ҳайдовчиси қарийб 2 ойдан бери комада ётгани маълум бўлди
18:30 / 10.04.2025
Тошкентда «Газел» дарахтга бориб урилди
11:29 / 10.04.2025
Тошкентда юк машинасига урилган Isuzu ёниб кетди. Қурбонлар бор
16:51 / 09.04.2025