Будапештда Туркий давлатлар ташкилоти норасмий саммити бўлиб ўтади

Истанбул шаҳрида Туркий давлатлар ташкилоти (ТДТ) ташқи ишлар вазирлари ўринбосарларининг учрашуви бўлиб ўтди.

Фото: "Дунё" АА

ТИВ маълумотига кўра, Ўзбекистон делегациясига ташқи ишлар вазири ўринбосари Бобур Усмонов раҳбарлик қилди.

Делегациялар раҳбарлари 2025 йил май ойида Будапештда бўлиб ўтадиган ТДТ норасмий саммитининг барча ташкилий-протокол масалаларини ва мазмунини муҳокама қилдилар.

Бундан ташқари, тадбир давомида томонлар конструктив руҳда Туркий ҳамкорлик ташкилотларининг 2025 йилга мўлжалланган ҳаракатлар режаси лойиҳасини кўриб чиқдилар ва тасдиқладилар.