Чилонзорда электромобил ёниб кетди

Электромобилнинг аккумулятор қисмида ёнғин келиб чиққанлиги аниқланган.

Фото: ФВБ

10 апрел куни соат 07:30 да Тошкент шаҳар Чилонзор тумани Фурқат кўчасида электромобил ёнаётгани тўғрисида Тошкент шаҳар ФВБга хабар тушган.

Шунга кўра, ёнғин-қутқарув техникалари айтилган манзилга соат 07:35 да етиб бориб, ёнғин соат 08:28 да ўчирилди.

Айтилган манзилда электомобилнинг аккумулятор қисмида ёнғин келиб чиққанлиги аниқланган.

Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.

"Ҳурматли фуқаролар, барча электромобилларнинг батареялари ўзида жуда катта миқдорда энергияни сақлаши сабабли, халқаро тажрибага мувофиқ ёнғин чиққан аккумулятор ичидаги электр қуввати тўлиқ тугагунга қадар аккумуляторни совитиш ишлари амалга оширилади, шу сабабли ёнғинни ўчириш усули бошқа оддий ёнилғида юрувчи автомобиллардан фарқ қилади", дейилади ФВВ хабарида.

#электромобил #Чилонзор