Қўшимча функционаллар
-
Тунги кўриниш
WSJ: Маслаҳатчилар Трампни Россияга ёндашувни кучайтиришга чақирмоқда
WSJ маълумотларига кўра, АҚШ Давлат департаменти ва Молия вазирлиги Россияга нисбатан чеклов чораларини кучайтириш вариантларини тайёрламоқда.
Фото: PAP/EPA/SHAWN THEW / POOL
АҚШ давлат котиби Марко Рубио ҳамда президентнинг Украина ва Россия бўйича махсус вакили Кит Келлог АҚШ Россияга қарши санкцияларни кучайтириши масаласи бўйича Оқ уйда бўлиб ўтган мунозара чоғида Доналд Трампга Россия раҳбари Владимир Путиннинг «дипломатик ниятлари»дан эҳтиёт бўлишни маслаҳат берди. Бу ҳақда 15 апрел, сешанба куни The Wall Street Journal (WSJ) хабар қилди.
АҚШ расмийларининг айтишича, Рубио ва Келлог кирувчи гуруҳ Оқ уй раҳбарига Путин билан муносабатда эҳтиёткор бўлишни, айниқса, Москванинг Киевдан ҳудудий имтиёзлар бериш талабига нисбатан кескинроқ ёндашишни тавсия қилди, деб ёзади WSJ.
Бироқ Трамп ҳамон АҚШ президентининг Яқин Шарқ бўйича махсус вакили Стивен Уиткоффни қўллаб-қувватламоқда, у Москвадаги икки учрашувдан сўнг Путин тинчлик ўрнатмоқчи, деб ҳисоблайди, деб ёзади нашр манбалари.
Россия ҳарбийларининг Украинанинг Суми шаҳрига ҳужуми натижасида 30 дан ортиқ тинч аҳоли ҳалок бўлганлиги Трампнинг катта маслаҳатчилари ўртасидаги келишмовчиликларни кўрсатди, дея хулоса қилди нашр.
Мавзуга оид
23:47 / 18.04.2025
АҚШда бир ой ичида минглаб талабаларнинг визалари бекор қилинди
23:11 / 18.04.2025
Тошкент ва Москва мигрантларни танлаб олиш жараёнини Ўзбекистонга кўчириш устида ишламоқда
22:04 / 18.04.2025
Мигрантлар учун рус тили имтиҳонлари Россия бюджетига 30 миллион доллар келтирди
21:05 / 18.04.2025