Қўшимча функционаллар
-
Тунги кўриниш
Келлогг АҚШнинг Украина бўйича музокаралардан чиқиши эҳтимоли ҳақида фикр билдирди
АҚШ президентининг Украина бўйича махсус вакили Кит Келлогг президент Трамп тинчлик келишуви бўйича музокаралардан чарчаганини айтди.
Фото: Lamkey Rod/ CNP/ ABACA
АҚШнинг Украина бўйича махсус вакили Кит Келлогг Fox News телеканалида чиқиш қилиб, давлат котиби Марк Рубио сўзларига изоҳ берди. Аввалроқ, давлат котиби президент Доналд Трамп сабр-тоқатини йўқотаётгани ва Украина бўйича музокаралар жараёнидан чиқиши мумкинлиги ҳақида айтган эди.
Президентнинг махсус вакили бу сўзлар анча таъсирли бўлганини айтди.
«Чунки биз содир бўлаётган воқеалардан чарчадик. Дунёда АҚШ иштирок этиши керак бўлган бошқа кўплаб муаммолар бор ва бу уруш жуда узоқ вақтдан бери давом этмоқда. Лекин менимча, урушни тугатишга имконият бор», деди Келлогг.
У келаси ҳафта Лондондаги учрашувда «жуда яхши натижалар» бўлиши мумкинлигини айтди. Трампнинг махсус вакили кейинги ҳафта Америка президенти жамоаси Украинада ўт очишни тўхтатиш бўйича музокаралар олиб бориш учун Лондонга боришини қўшимча қилди.
Аввалроқ АҚШ Давлат котиби Марк Рубио Вашингтон «яқин кунларда» музокараларда ҳеч қандай тараққиёт йўқлигини кўрса, Украинада тинчликка эришиш йўлидаги саъй-ҳаракатлардан воз кечишга тайёрлигини айтган эди.
Трамп ҳам Украина ва Россия ўртасида тинчлик келишувини имзолаш уринишларидан воз кечиши мумкинлигини тан олди, аммо бунинг қандай амалга ошиши бўйича аниқ шартларни айтмади.
Мавзуга оид
09:43
Хитой ўз манфаатларини бузадиган давлатларни қатъий огоҳлантирди
21:47 / 20.04.2025
Кремл Пасха муносабати билан эълон қилинган сулҳни узайтиришдан бош тортди
20:30 / 20.04.2025
NYT: Трамп Давлат департаментини «тубдан қайта ташкил этиш»га тайёргарлик кўрмоқда
17:57 / 20.04.2025