Филиппинда юз берган ЙТҲда 10 киши ҳалок бўлди

Ҳалок бўлганлар орасида тўрт нафар бола ҳам бор. Фожиа автобус ҳайдовчисининг рулда ухлаб қолиши оқибатида содир бўлган.

Фото: GMA News Online

Филиппиндаги Субик-Кларк-Тарлак автомагистралида содир бўлган ЙТҲ оқибатида 10 киши, жумладан, тўрт нафар бола ҳалок бўлди. Бу ҳақда Тарлак провинцияси полиция бошқармаси бошлиғи Ромел Сантос маълум қилди.

Қайд этилишича, автобус пулли магистрал учун ҳайдовчиси тўловни амалга ошираётган фургон билан тўқнашган. Фургон эса ўзидан олдинда тўлов учун навбат кутиб турган автомобилга урилган. Шундай қилиб, яна бир нечта автомобил бир-бири билан тўқнашган. Ҳалок бўлганлар ўз автомобилларида қисилиб қолган.

Сантоснинг айтишича, автомобил ҳайдовчиси қўлга олинган. У полицияга рулда ухлаб қолганини айтган. Автомобил йўловчилари енгил жароҳатлар билан кифояланган.

Ҳайдовчи автобус ташувлари билан шуғулланувчи Solid North Transit Inc компаниясида ишлаган. Транспорт вазири Винс Дизон компаниянинг мамлакатдаги фаолиятини тўхтатиш бўйича кўрсатма берган.

#Филиппин #ЙТҲ