АҚШ Халқаро космик станцияни молиялаштиришни қисқартиради

АҚШ 2026 йилги федерал бюджетидан маълум бўлишича, Халқаро космик станцияни (ICC) молиялаштириш 508 миллион долларга қисқартирилади. Станция 2030 йилда ёпилиши кутилмоқда.

Ҳужжат Оқ уй веб-сайтида эълон қилинган ва унда NASA томонидан бошқариладиган ва юк миссиялари сонини, шунингдек, станция бортидаги илмий тадқиқотлар ҳажмини камайтириш нияти акс этган.

Тушунтириш хатида айтилишича, бюджет ICC ўз фаолиятини охирига етказаётгани сабабли фазони ўрганиш жараёнига нисбатан «тежамкор тижорат ёндашувига» ўтишни акс эттиради. NASA станция ёпилгандан кейин унинг ўрнини босадиган хусусий орбитал платформаларни ишлаб чиқиш учун ресурсларни қайта тақсимлашни режалаштирмоқда.

NASA тижорат секторини янги космик станцияларни қуришга фаол ундамоқда. Axiom Space, Blue Origin, Starlab Space ва Vast Space каби компанияларнинг лойиҳалари аллақачон молиялаштирилмоқда.

NASA Халқаро космик станция лойиҳаси тугаллангандан сўнг Ой ва Марсни тадқиқ қилиш бўйича халқаро ҳамкорликни кенгайтиришни режа қилган.