Зеленский Украинанинг Иккинчи жаҳон урушидаги роли ҳақида гапирди

Украина президенти Володимир Зеленский видеокамера билан Хрешчатик бўйлаб юриб, Киевнинг 80 йил аввал фашистлар Германияси устидан қозонилган ғалабадаги ролини қайд этди.

Фото: president.gov.ua

Президент Володимир Зеленский Украинанинг Европани нацизмдан озод қилишга қўшган ҳиссасини таъкидлаб, Россиянинг ўз мамлакатига қарши тўрт йилдан бери давом этаётган агрессив урушини тилга олди. 8 май, пайшанба куни Европада Иккинчи жаҳон уруши тугаганининг 80 йиллиги муносабати билан Зеленский Киевнинг марказий Хрешчатик кўчаси бўйлаб камера билан юриб, видеомурожаат ёзди.

Украина президенти Москвада ўтказилиши режалаштирилган Ғалаба парадини «биз буни яна қила оламиз» деб аталган тадбир дея атади. «Сиз буни такрорладингиз. Бучадаги оммавий қабрлар ташкилотчиси фашистларнинг ваҳшийлиги ҳақида, Мариупол блокадасини уюштирганлар эса Ленинград блокадаси ҳақида гапиради», — деди Зеленский. У нацизмга қарши курашда 8 миллиондан ортиқ украиналик ҳалок бўлганини эслади ва «деярли ҳар бир оиланинг фотосурати бор, улар хотирани қадрлайди» деди.

Агар Россия ўзгармаса, уни «демилитаризация» қилиш керак бўлади, деди Зеленский 9 май куни Қизил майдонда ўтган аввалги ҳарбий парадлар тасвирларини жойлаштириб.

#Украина #Иккинчи жаҳон уруши #Володимир Зеленский