Ўзбекистон ва АЭХА ядровий инфратузилмани ривожлантириш бўйича ҳамкорликни келишиб олди

Атом энергияси бўйича халқаро агентлик бош қароргоҳида агентлик экспертлари ва Ўзбекистон делегацияси ўртасида 2025-2027 йилларга мўлжалланган комплекс иш режасини амалга ошириш масалалари бўйича иккинчи маслаҳатлашувлар бўлиб ўтди.

Фото: "Дунё" АА

Маслаҳатлашувлар давомида Ўзбекистон ядровий инфратузилмасини ривожлантиришнинг устувор йўналишлари, жумладан, норматив-ҳуқуқий база, хавфсизлик, кадрлар тайёрлаш ва экологик жиҳатларини таъминлаш масалалари муҳокама қилинди.

2026 йилда амалга ошириладиган Ядро инфратузилмасини комплекс кўриб чиқиш миссияси, жамоатчилик муҳокамасини ўтказиш ва кичик модулли реакторларни ривожлантиришга алоҳида эътибор қаратилди.

Халқаро атом энергияси агентлиги вакиллари Ўзбекистоннинг бу борадаги комплекс ёндашувини юқори баҳолаб, келгусида техник ҳамкорликни давом эттиришга тайёрлигини билдирди.