Қўшимча функционаллар
-
Тунги кўриниш
Трамп АҚШ Сурияга қарши санкцияларини бекор қилишини айтди
Доналд Трамп ушбу қарорни Муҳаммад бин Салом ва Ражаб Тоййиб Эрдўған билан Суриядаги вазиятни муҳокама қилганидан кейин қабул қилган.
Фото: AP
АҚШ президенти Доналд Трамп Башар Асад режими қулагани боис Суриядан санкцияларни олиб ташлашни режалаштираётганини эълон қилди.
«Сурияга буюклик сари яна бир имкон бериш учун уларга нисбатан санкцияларни бекор қилишни буюраман», — дейди Трамп Саудия Арабистонидаги инвестиция форуми доирасида.
АҚШ президентининг сўзларига кўра, у бу қарорни Суриядаги вазиятни Саудия Арабистони валиаҳд шаҳзодаси Муҳаммад бин Салмон ҳамда Туркия президенти Ражаб Тоййиб Эрдўған билан муҳокама қилганидан кейин қабул қилган.
Башар Асад режими 2024 йил декабрда ағдарилди. Сурия собиқ президенти Россияга қочиб, у ердан бошпана олди. Асад ағдарилганидан кейин Суриянинг ўтиш даври президенти этиб Аҳмад аш-Шаръа эълон қилинди.
Доналд Трампнинг Яқин Шарққа сафари — бу унинг АҚШ президентлиги лавозимига қайтганидан бери амалга оширган биринчи йирик расмий хориж сафари ҳисобланади. Axios маълумотларига кўра, ташриф давомида Трамп Аҳмад аш-Шаръа билан ҳам учрашишни режалаштирган.
