Тошкентда поезд устида суратга тушмоқчи бўлган болаларни ток урди

Тошкент шаҳар Юнусобод туманида поезд устида селфи тушмоқчи бўлган икки болани ток урди.

Фото: Видеодан кадр

“Миллар” дастурида маълум қилинишича, поезд устида суратга тушмоқчи бўлган икки бола оғир тан жароҳати олган. Ҳолат Юнусобод туманидаги темирйўлда содир бўлган.

Бола ердан тахминан 1 метр баландликка кўтарилганида катта кучланишдаги ток сабаб портлаш содир бўлган. Алангадан куйган бола вагон четидаги зинага осилиб қолган.

Икки бола ҳам зудлик билан шифохонага олиб борилган. Улардан бирининг аҳволи қониқарли, иккинчисиники эса оғир бўлгани сабабли жонлантириш бўлимида.