Ўзбекистон делегацияси Болгария президенти администрациясида учрашув ўтказди

Ўзбекистон делегацияси Болгария президенти администрациясида бўлиб ўтган учрашувда олий даражадаги бўлажак ташриф масалаларини муҳокама қилди.

Фото: "Дунё" АА

Ўзбекистон делегациясининг Софияга ташрифи доирасида Болгария президенти администрациясида учрашув бўлиб ўтди.

ТИВ маълумотига кўра, президент администрацияси раҳбари Гилиб Донев Ўзбекистонда амалга оширилаётган ислоҳотларни юқори баҳолади ва икки томонлама муносабатларнинг ижобий динамикасини қайд этди.

Учрашувда олий даражадаги бўлажак ташрифнинг протокол масалалари юзасидан мазмунли музокаралар олиб борилди ва имзоланиши режалаштирилган айрим ҳужжатлар рўйхати кўриб чиқилди.