Ўзбекистоннинг яна бир компанияси Европа Иттифоқи санкциялари остида қолди
Европа Иттифоқи санкциялари рўйхатига киритилган Ўзбекистон компаниялари сони бештага етди.

Фото: DPA/ТАСС
Европа Иттифоқи Ўзбекистоннинг Trade Engine System компаниясини Россияга қарши санкцияларнинг 17-тўпламига киритди. Санкциялар рўйхати Европа Иттифоқининг расмий сайтида эълон қилинган.
Trade Engine System 2022 йилда рўйхатдан ўтган бўлиб, электрон ва телекоммуникация ускуналари ва эҳтиёт қисмлари улгуржи савдоси билан шуғулланади. Компаниянинг директори ва таъсисчиси сифатида Носиржон Акбаров кўрсатилган.
Бу Украинадаги уруш бошланганидан бери Европа Иттифоқи санкцияларига дучор бўлган Ўзбекистоннинг бешинчи корхонасидир. 2023 йилдан бери санкциялар рўйхатида Alfa Beta Creative LLC, GFK Logistics Asia LLC, Mvizion LLC, 2025 йил февралидан Uzstanex LLC бор.
Европа Иттифоқининг 17-санкция пакетига Россия, Ўзбекистон, Беларус, Хитой, Туркия, БАА, Сербия ва Ветнамдан 75 нафар жисмоний шахс ва юридик шахс киритилди.
Украина ҳам Ўзбекистон компанияларини ўзининг санкция рўйхатига киритган. Улар: «Оҳангаронцемент», қурилиш техникасини ижарага берувчи Mercury Renaissance, ёғоч хамири ва целлюлоза ишлаб чиқарувчи Raw Materials Cellulose, шунингдек, Фарғона кимё заводи (Фарғона пахта целлюлозаси ишлаб чиқариш корхонаси).
Мавзуга оид

13:11 / 28.05.2025
NYT: Россия Запорижжя АЭСни ўз энерготизимига улашни режалаштирмоқда

11:58 / 28.05.2025
Евроиттифоқ 150 млрд евролик SAFE мудофаа фондини тузди

10:23 / 28.05.2025
Давлат департаменти спикери: Россия Трампнинг сўзларини жиддий қабул қилиши керак

09:03 / 28.05.2025