Шавкат Мирзиёев OTP Group Бошқаруви раиси Шандор Чани билан учрашди

Куни кеча президент Шавкат Мирзиёев OTP Group Бошқаруви раиси Шандор Чани билан учрашди. Ушбу мулоқот Ўзбекистон–Венгрия муносабатларида муҳим воқелик сифатида қайд этилди ва икки мамлакат ўртасидаги иқтисодий алоқаларни янада мустаҳкамлашга хизмат қилади.

Фото: Президент матбуот хизмати

Учрашув Венгрия ишбилармон доиралари, йирик компания ва бошқа нуфузли корпорациялар раҳбарлари иштирокида ўтди.

Президентимиз ўз нутқида, Венгрия инвестицияларининг Ўзбекистон иқтисодиётига кириб келиши жадал суръатларда давом этаётганини мамнуният билан қайд этди. Хусусан, “OTP Bank” томонидан “Ipoteka Bank”нинг сотиб олиниши – мамлакат молия бозорига бўлган ишончнинг ёрқин намунаси сифатида эътироф этилди.

Ўз навбатида, Шандор Чани шундай деди:

“Биз Ўзбекистонда узоқ муддатли ва барқарор шерикликни ривожлантиришга катта қизиқиш билдирамиз. Мамлакатдаги бизнес муҳити ва ислоҳотлар этарлича шаффоф ва ишончли. Бу ердаги имкониятлар, айниқса банк, саноат ва инфратузилма соҳаларида, жуда катта. Биз нафақат молиявий хизматлар, балки кичик ва ўрта бизнесни молиялаштириш, соҳа инновациясини қўллаб-қувватлаш бўйича ҳам фаол иштирок этишни режалаштиряпмиз”.

Президентимиз томонидан автокредитлашни ривожлантириш, қўшма молиялаштириш дастурларини амалга ошириш, йирик паррандачилик кластерини қуриш бўйича лойиҳаларга кенг имкониятлар яратилиши алоҳида таъкидланди.

Шавкат Мирзиёев қуйидагиларни таъкидлади:

“Биз мамлакатларимиз ишбилармон доиралари ўртасидаги мустаҳкам алоқаларни ривожлантириш учун барча шароитларни яратамиз. Янги имкониятлар ва истиқболли лойиҳаларга асосланган шериклик бизни келажакда янада яқинлаштиради.”

Тадбир якунида устувор инвестисиявий лойиҳаларни амалга ошириш бўйича келишувлар ва ҳамкорлик меморандумлари алмашинув маросими билан якунланди.

#Шавкат Мирзиёев #OTP Group #Шандор Чани