Лавров Европани АҚШга санкцияларни кучайтириш учун босим ўтказишда айблади

Россия ташқи ишлар вазири Сергей Лавров Москванинг Киев расмийлари ва уларнинг Ғарбдаги ҳамкорлари талаб қилаётган Украинада узоқ муддатли ўт очишни тўхтатиш келишувини қабул қилишдан бош тортганини тасдиқлади. 21 май, чоршанба куни Еревандаги Россия-Арманистон университетида нутқ сўзлаган Сергей Лавров Украинада ўт очишни тўхтатиш, кейин эса Украинадаги урушни тугатиш шартлари бўйича музокаралар ўтказиш ғояси «энди ишламайди», деди.

«Биз аллақачон бу ҳикояларда бўлганмиз, энди буни хоҳламаймиз», деди у 2022 йилда Истанбулда Россия ва Украина ўртасидаги музокараларга ишора қилиб, ўшанда томонлар «Украина делегацияси таклиф қилган келишув тамойилларини ишга туширган».

Сергей Лавров шунингдек, Франция президенти Эммануэл Макрон, Буюк Британия бош вазири Кир Стармер ва Еврокомиссия раҳбари Урсула фон дер Ляйенни АҚШ президенти Доналд Трампни янада кўпроқ санкциялар жорий этишга мажбурлашда айблади.

Куни кеча АҚШ давлат котиби Марко Рубио Россиядан яқин кунларда Украина билан урушда ўт очишни тўхтатиш бўйича тахминий режа тақдим этилишини кутишини айтди. Бу «асосий қоидалар» Москванинг «ҳақиқий ниятлари»нинг муҳим кўрсаткичи бўлади, деди у.