Шавкат Мирзиёев ва Словения бош вазири Роберт Голоб қўшма баёнотни имзолади

Любляна шаҳрида бўлиб ўтган музокаралар якунида, 22 май куни президент Шавкат Мирзиёев ва Словения бош вазири Роберт Голоб қўшма баёнот имзолади.

Шунингдек, Ўзбекистон ва Словения ўртасида ҳамкорлик бўйича қуйидаги ҳужжатлар тўплами имзоланди:

- дипломатик паспорт эгаларини виза талабларидан озод қилиш тўғрисида;

- таълим, фан ва маданият соҳаларидаги ҳамкорлик тўғрисида;

- транспорт ва логистика соҳасидаги ҳамкорлик тўғрисида;

- «ақлли» шаҳарларни бошқариш соҳасидаги ҳамкорлик тўғрисида;

- стандартлаштириш соҳасидаги ҳамкорлик тўғрисида;

- сув ресурсларини бошқариш соҳасидаги ҳамкорлик тўғрисида;

- туризм соҳасидаги ҳамкорлик тўғрисида битимлар.