Саудия Арабистонида 91 ёшли шаҳзода вафот этди

Фото: aawsat.com
Саудия Арабистонида амалдаги қирол Салмон ибн Абдулазиз ал-Сауднинг акаси, шаҳзода Машъал ибн Абдулазиз 91 ёшида вафот этди, деб хабар бермоқда "Аш-Шарқ ал-Авсат" нашри.
Таъкидланишича, шаҳзода Саудия Арабистонида тахтнинг ворисийлиги тартибини аниқлаш кенгашини бошқарган. Бу кенгаш қироллик сулоласида мероснинг ўтишида изчилликни белгилаш учун тузилган. Айни вақтда Саудия Арабистонида 7 мингга яқин шаҳзода мавжуд.
Машъал ибн Абдулазизнинг бу лавозимга тайинланиши собиқ қирол Абдуллоҳ ибн Абдулазиз Ал-Сауд оиласининг барча аъзоларидан бир хилда узоқлиги билан шартланган эди.
Айни вақтда Саудия Арабистони қироллик уйи 25 минг аъзодан иборат бўлиб, улардан 7 минг нафари шаҳзода ҳисобланади. Улардан ҳар бири назарий жиҳатдан қирол бўлиши мумкин. Қиролликда тахтнинг топширилиши "акадан укага тизими" бўйича амалга оширилади. Саудия Арабистони асосчиси ва биринчи қироли Абдулазиз Ал Сауд (1880—1953) тахтни бирин-кетин барча ўғиллари, сўнгра набиралари эгаллашлари кераклигини белгилаб кетган.
Мавзуга оид

03:47 / 26.03.2025
Зеленский АҚШнинг Украина ва Россия билан келишув тафсилотларини ошкор қилди

17:38 / 25.03.2025
Кремль: Саудия Арабистонидаги Россия-АҚШ музокаралари мазмуни ошкор этилмайди

15:14 / 24.03.2025
Саудияда АҚШнинг Россия ва Украина билан музокаралари. Бу ҳақда нималар маълум?

14:50 / 23.03.2025