Россиянинг Шпицбергенда йўқолган Ми-8 вертолёти бўлаклари топилди

Фото: ИТАР-ТАСС

Россиянинг 26 октябрда Шпицберген архипелагидаги Баренцбург посёлкаси яқинида йўқолиб қолган Ми-8 вертолёти бўлаклари денгизда, 200 метр чуқурликда аниқланди. Бу ҳақда Шимолий Норвегия қутқарув хизматига иқтибос келтирган ҳолда РИА “Новости” ахборот агентлиги хабар бермоқда.

Вертолёт бортида 8 киши бўлган. У "Конверс Авиа" компаниясига тегишли бўлган.

Арктика ва Антарктика илмий-тадқиқот институти маълумотларига кўра, вертолётда илмий гуруҳ гидрологик кузатувлар ва экологик тадқиқот дастури доирасида намуналар олиб Пирамида посёлкасидан Баренцбургга қайтаётган бўлган.

Таъкидланишича, энди қидирув ишларининг кейинги босқичи – ҳалок бўлганларни излашга ўтилади.

#Россия #Ми-8 #Шпицберген