Маккейн Трампни Путинни табриклагани учун танқид қилди

Фото: Reuters/Jason Reed

Америкалик республикачи сенатор Жон Маккейн президент Дональд Трампни танқид қилди. Президент Владимир Путинни сайловда ғалаба қозонгани муносабати билан табриклагани учун танқидга учраган.

«Америка президенти сохта сайловда ғалаба қозонган диктаторни табриклаб, эркин дунё барпо эта олмайди. Владимир Путинни табриклаш орқали президент Трамп ҳаққоний сайловдан маҳрум қилинган Россия фуқароларини ҳақоратлади», — дея ёзган Маккейн ўз сайтида.

Бундан аввалроқ АҚШ президенти Дональд Трампнинг маслаҳатчилари уни Россия президенти Владимир Путинни сайловдаги ғалабаси билан табриклашдан қайтаришга урингани ҳақида маълум бўлганди.

Эслатиб ўтамиз, АҚШ президенти Дональд Трамп Россия етакчиси Владимир Путинни президентлик сайловида эришган ғалабаси билан табриклади. Трамп Путин билан, жумладан, Давлат департаменти раҳбариятидаги ўзгаришларни инобатга олган ҳолда, Россия ва АҚШ алоқаларининг истиқболини муҳокама қилди.

#Дональд Трамп #Жон Маккейн