АҚШ украиналик уч хакернинг ҳибсга олинишига эришди

Фото: Pawel Kopczynski / Reuters

Украинанинг уч нафар фуқароси киберҳужумлар ва Fin7 хакерлик гуруҳига алоқадорликда гумонланиб ҳибсга олинди. Улар АҚШ сўровига кўра Европада қўлга олинган. Бу ҳақда Америка адлия вазирлиги сайтида хабар қилинди.

Улар 44 ёшли Дмитрий Федоров, 33 ёшли Федор Гладир ва 30 ёшли Андрей Копаков бўлиб, бири Польша, иккинчиси Германия, учинчиси Испанияда қўлга олинган. Гладира АҚШга топширилган.

Вазирликнинг билдиришича, Fin7 аъзолари 2015 йилдан буён АҚШдаги 100дан ортиқ муассасалар, асосан ресторан, меҳмонхона ва ўйин муассасалари компьютер тизимларини бузиб киришган. Улар мижозларнинг миллионлаб кредит ва дебет карталари рақамларини ўғирлашган ҳамда учинчи шахсларга сотишган. Бундан ташқари, хакерлар ҳужумидан Буюк Британия, Австралия ва Франциядаги муассасалар ҳам жабр кўрган.

#АҚШ #хакерлар