Бельгия Европа Иттифоқининг энг хавфли давлати деб топилди 

Европа Иттифоқи статистика бошқармаси Европа давлатларидаги ҳуқуқбузарликлар сони бўйича маълумотларни келтирди.

Унга кўра, Европа Иттифоқи давлатларида 2011 йилдан 2017 йилгача қайд қилинган ўғриликлар сони 24 фоизга, яъни 522 мингдан 396 минггача камайган.

2017 йилда энг кўп ҳуқуқбузарлик 100 минг аҳолига Бельгияда – 167 та, сўнгра Франция (150 та), Испания (144 та), Англия ва Уэльс (132 та) ҳамда Португалияда (115 та) қайд қилинган. 

Шу билан бирга, бу борадаги энг паст кўрсаткичлар Руминия (16 та), Эстония ва Чехия (15 тадан), Кипр (14 та), Словения (12 та), Словакия ва Венгрияда (9 та) кузатилган.