Ла Лига. «Реал» Сан-Себастьянда иродали ғалаба қозониб, етакчига айланди

Фото: Twitter/LaLiga

Ла Лига 30-турининг марказий ўйинларидан бири Сан-Себастьянда якунланди. «Реал Сосьедад» меҳмони бўлган «Реал» Мадрид 2:1 ҳисобида ғалаба қозонди. Серхио Рамос ва Карим Бенземанинг голларига ўйин якунида Микель Мерино биргина гол билан жавоб қайтарди.

Бу ғалабадан сўнг «Реал»нинг очколари сони 65тага етди ва Зидан жамоаси ўзаро ўйиндаги устунлик сабаб «Барселона»ни ортда қолдириб чемпионат етакчисига айланди.

Ла Лига. 30-тур

Реал Сосьедад – Реал Мадрид 1:2
Голлар: Мерино (83) – Рамос (50, пенальти), Бензема (70).
Реал Сосьедад: Ремиро, Льоренте, Монреаль, Горосабель (Элустондо, 60), Ле Норман, Мерино, Субельдия (Субименди, 80), Ойарсабаль (Янузай, 60), Эдегор (Лопес, 79), Порту, Исак (Виллиан Жозе, 79).
Реал Мадрид: Куртуа, Карвахаль, Рамос (Милитао, 60), Марсело (Менди, 89), Варан, Кроос, Вальверде (Модрич, 89), Хамес (Асенсио, 78), Каземиро, Винисиус Жуниор, Бензема (Мариано Диас, 78).
Огоҳлантиришлар: Субельдия (16), Каземиро (21), Горосабель (28), Льоренте (48).

#Реал Мадрид #Реал Сосьедад