Андижонда “Spark”ни олиб қочган “шоввоз” иккита автомашинага бориб тўқнашди

Фото: ИИВ ҳузуридаги Тергов департаменти

“Spark” русумли автомашинанинг калити ўт олдириш жойида эканлигидан фойдаланиб, уни олиб қочиб, ҳодиса жойидан яширинаётган вақтида автоҳалокатга учраган.

5 май куни соат 18:30 ларда муқаддам судланган 32 ёшли Ж.Фаррух Избоскан тумани Пойтуғ шаҳри "Иттифоқ" маҳалласида жойлашган автомашиналар тураргоҳида қаровсиз, очиқ ҳолатда қолдирилган 25 ёшли Р.Ҳаётбекка тегишли “Spark” русумли автомашинанинг калити ўт олдириш жойида эканлигидан фойдаланиб, уни олиб қочиб ҳодиса жойидан яширинаётган вақтида фуқаро А.Хушнудбекка тегишли “Matiz” ва Х.Бойбекка тегишли “Nexia Dons” русумли автомашиналар билан тўқнашиб, йўл транспорт ҳодисасини содир этган.

Мазкур ҳолат юзасидан Избоскан тумани ИИБ ҳузуридаги Тергов бўлинмаси томонидан Ж.Фаррухга нисбатан Ўзбекистон Республикаси Жиноят кодексининг 267-моддаси 1-қисми (транспорт воситасини олиб қочиш) билан жиноят иши қўзғатилиб, “қамоққа олиш” тарзидаги эҳтиёт чораси қўлланилган.

Ҳозирда тергов давом этмоқда.

Аввалроқ, Андижонда фуқаро ва ЙПХ ходими ўртасидаги жанжал юзага келганлиги ҳақида хабар (https://kun.uz/news/2021/04/12/andijonda-fuqaro-va-ypx-xodimi-ortasidagi-janjalga-rasmiylar-izoh-berdi) берган эдик.

#Андижон #автоҳалокат #Spark