Кувайт ҳукумати истеъфога чиқиш учун ариза берди
Қайд этилишича, истеъфога парламент ва вазирлар маҳкамаси, бошқача қилиб айтганда, ёшлар ва кексалар ўртасидаги муносабатларда давом этаётган инқироз сабаб бўлган.

Фото: Al Jaber Al Saba
Шайх Сабоҳ Холид ал-Ҳамад ас-Сабоҳ бошчилигидаги Кувайт ҳукумати истеъфога чиқишни сўраб мамлакат амири шайх Навоф ал-Аҳмад ал-Жобир ас-Сабоҳга ариза берди. Бу ҳақда Al Qabas газетаси хабар бермоқда.
“Бир неча дақиқа аввал ҳукумат йиғилиши тугади. Вазирлар истеъфога чиқишни сўраб мамлакат олий сиёсий раҳбариятига ариза берди”, – дея манба сўзларидан иқтибос келтиради нашр.
Ушбу қарорнинг сабаблари маълум қилинмаган.
Қайд этилишича, истеъфога парламент ва вазирлар маҳкамаси, бошқача қилиб айтганда, ёшлар ва кексалар ўртасидаги муносабатларда давом этаётган инқироз сабаб бўлган. Ўтган йили декабрда ўтказилган парламент сайловларида 50 ўриндан иборат парламент таркиби 60 фоизга янгиланганди. Январдаёқ депутатлар бош вазир Сабоҳ Холид ал-Ҳамад ас-Сабоҳни вазирлик лавозимларига малакасиз шахсларни танлаганликда айблаб чиққанди.
13 январда вазирлар маҳкамаси бир ой ҳам фаолият кўрсатмасдан истеъфога чиққан, мартда эса янги ҳукумат шакллантирилганди.
Мавзуга оид

10:12
Ўзбекистонда яна уч давлат фуқаролари учун визасиз режим белгиланди

13:10 / 13.05.2025
Кувайтлик шифокорлар Қорақалпоғистонда жарроҳлик амалиётларини ўтказди

11:00 / 12.05.2025
Кувайт билан нефть-кимё соҳасида 850 млн долларлик лойиҳалар амалга оширилади

14:37 / 03.05.2025