Талимаржонда қуввати 1 МВт бўлган қуёш фотоэлектр станцияси ишга туширилди

Бу эса йилига 400 минг куб метр табиий газ иқтисод қилинишига имкони беради.

Фото: Энергетика вазирлиги матбуот хизмати

Талимаржон Иссиқлик электр станциясида энергия тежовчи технологияларни кенг жорий этиш орқали ўз эҳтиёжи учун сарфланадиган электр энергиясини қуёш панеллари орқали қоплаш чоралари кўрилмоқда. Бу ҳақда Энергетика вазирлиги хабар берди.

Шу мақсадда қуввати 1 МВт бўлган қуёш фотоэлектр станцияси ишга туширилди. Мазкур яшил станция ишга туширилиши натижасида корхонада йилига қўшимча 1,8 млн кВт·соат электр энергияси ишлаб чиқарилади. Бу эса йилига 400 минг куб метр табиий газ иқтисод қилинишига имкон беради.

Қуёш фотоэлектр станциясига монокристалл туридаги 1500 дан ортиқ панеллар ўрнатилган бўлиб, станция On-Grid режимида ишлашга мўлжалланган (қуёш панелларидан электр энергияси 220 вольт ва 50 герцли кучланишга айлантирилиб, тармоққа узатилади).

#Талимаржон ИЭС #қуёш энергияси