Қўшимча функционаллар
-
Тунги кўриниш
Полша Сейми Матеуш Моравецкий ҳукуматига ишончсизлик вотумини эълон қилди
Энди Доналд Туск янги бош вазир бўлиши ва ҳукуматни шакллантириши кутилмоқда.
Фото: Reuters
Полша Сейми (парламентнинг қуйи палатаси) депутатлари бош вазир Матеуш Моравецкий ҳукуматига ишончсизлик вотумини эълон қилди. RMF24 хабарига кўра, овоз бериш жараёнида Моравецкийни 190 депутат қўллаб-қувватлаган, 266 нафари қарши овоз берган, бетарафлар йўқ.
Энди Полшанинг мухолифат коалицияси Доналд Тускни бош вазир лавозимига номзод сифатида кўрсатади. Парламент сайловлари якунига кўра, мухолифат парламентдаги кўпчилик ўринларни қўлга киритган.
15 октябр куни бўлиб ўтган сайловларда ҳукмрон «Қонун ва адолат» партияси 35,38 фоиз овоз олиб, парламентдаги кўпчиликни бой берди. Иккинчи ўринни Доналд Туск бошчилигидаги мухолифатдаги «Фуқаролик платформаси» 30,7 фоиз, учинчи ўринни ўнг марказчи «Учинчи йўл» партияси (14,4 фоиз), тўртинчи ўринни «Янги сўллар» (8,61 фоиз) эгаллаган эди. Шундан сўнг, «Фуқаролик платформаси», «Учинчи йўл» ва «Янги сўллар» коалиция тузиб, «Қонун ва адолат»ни устунликдан маҳрум қилди.
Президент Анжей Дуда овоз бериш натижалари эълон қилингач, биринчи бўлиб Матеуш Моравецкий ҳукуматни шакллантириш ҳуқуқига эга бўлишини маълум қилди. 27 ноябр куни у қасамёд қилган эди.
Мавзуга оид
08:16 / 01.04.2025
Полша АҚШ билан 2 млрд долларлик ҳаво ҳужумидан мудофаа бўйича шартнома тузади
23:16 / 28.03.2025
Полшада ҳамкасбини мунтазам равишда заҳарлашга уриниб келган фаррош ҳибсга олинди
17:19 / 13.03.2025
Полша президенти яна бир бор АҚШни ядровий қуролларини ўз мамлакати ҳудудига жойлаштиришга чақирди
11:29 / 12.03.2025