Ўзбекистон элчиси Британия ташқи ишлар вазири ўринбосари билан учрашди

Ўзбекистон элчиси Равшан Усмонов Британия ташқи ишлар вазири ўринбосари Нусрат Гани билан учрашди, деб хабар бермоқда "Дунё".

Фото: Дунё

Мулоқот чоғида томонлар Ўзбекистон-Британия ҳамкорлигини янада ривожлантириш истиқболлари хусусида фикр алмашди.

Учрашув давомида юқори ва олий даражадаги сиёсий мулоқотни фаоллаштириш, парламентлараро ҳамкорликни кенгайтириш, савдо-иқтисодий ва сармоявий соҳалардаги ўзаро алоқаларни диверсификация қилиш ҳамда маданий-гуманитар ҳамкорликни мустаҳкамлаш масалаларига алоҳида эътибор қаратилди.

Музокаралар якунида ҳамкорликни кенгайтириш бўйича амалий чора-тадбирларни муҳокама қилиш мақсадида дипломатик алоқаларни давом эттириш тўғрисида келишиб олинди.

#Британия #Равшан Усмонов