Тошкент вилоятида майнинг ферма ташкил этганлар аниқланди

Тошкент вилоятида майнинг ферма ташкил этган шахслар аниқланди, деб хабар берди Бош прокуратура ҳузуридаги департамент.

Фото: Бош прокуратура ҳузуридаги департамент

Бош прокуратура ҳузуридаги департаментнинг Чирчиқ ва Оҳангарон шаҳри бўлимлари томонидан терговга қадар текширувлар ўтказилди.

Унда, фуқаролар Н.Р., А.Т. ва бошқалар “Умид” ҳамда "Ўнқўрғон" МФЙ ҳудудидаги хонадонларда 19 та тўпламдаги майнинг крипто-активлари қурилмаларни умумий фойдаланишдаги электр тармоқларига улаб, жами 105,5 млн сўмлик электр энергиясидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Тайёрлаган: Отабек Матназаров

#Тошкент вилояти #майнинг