Қўшимча функционаллар
-
Тунги кўриниш
Малтанинг Ўзбекистондаги биринчи элчиси тайинланди
Ташқи ишлар вазири Малта элчиси Кармело Ингуанездан ишонч ёрлиқларини қабул қилиб олди.
Фото: ТИВ
Ўзбекистон ташқи ишлар вазири Бахтиёр Саидов Малтанинг янги тайинланган элчиси Кармело Ингуанезни қабул қилди.
Қайд этилишича, ТИВ раҳбари Малтанинг Ўзбекистондаги биринчи элчиси Кармело Ингуанездан ишонч ёрлиқларини қабул қилиб олган.
«Кун тартибимиздан икки томонлама алоқаларнинг ҳуқуқий асосларини мустаҳкамлаш, парламентлар ўртасида дўстлик гуруҳларини ташкил этиш, иқтисодий ҳамкорликни ривожлантириш, туризмни қўллаб-қувватлаш, таълим соҳасида алоқаларни жадаллаштириш ва Ўзбекистон—Малта муносабатларини юксалтиришга қаратилган бошқа йўналишлар муҳокамаси жой олди. Шунингдек, биз дипломатик паспорт эгалари учун ўзаро визасиз режим жорий қилиш тўғрисида битим имзоладик», — деб ёзади Бахтиёр Саидов ўзининг Telegram-каналида.
Ўзбекистон ва Малта ўртасидаги дипломатик муносабатлар 1993 йил 25 февралда ўрнатилган. 2024 йил сентябр ойи охирида Ўзбекистон ташқи ишлар вазири Ню Йорк шаҳрида Малта бош вазири ўринбосари, ташқи ва Европа ишлари ва савдо вазири Иан Борч билан учрашган. Музокаралар якунида вазирликлар ўртасида сиёсий маслаҳатлашувлар ўтказиш тўғрисидаги англашув меморандуми имзоланган эди.
Тавсия этамиз
Қимматга тушган липосакция: блогерни кимлар операция қилди?
Жамият | 19:22 / 04.04.2025
NYT Германиядаги «уруш офиси» ҳақида суриштирув эълон қилди
Жаҳон | 15:18 / 04.04.2025
Минбардаги 25 соат: сенатор Букер нега бундай қилди?
Жаҳон | 22:47 / 03.04.2025
Ўзбекистоннинг 9 та вилоятида сел хавфи эълон қилинди
Ўзбекистон | 22:24 / 03.04.2025
Мавзуга оид
17:09 / 06.03.2025
Россиянинг АҚШдаги янги элчиси тайинланди
14:26 / 02.03.2025
Ўзбекистоннинг Малтадаги биринчи элчиси тайинланди
16:24 / 27.02.2025
Туркиянинг Ўзбекистондаги янги элчиси тайинланди
16:45 / 08.02.2025
Туркия элчиси Ўзбекистондаги миссиясини якунламоқда
