Яшаш учун қамоқ яхши

Америкалик аёл, яқингинада қамоқдан озод этилганига қарамай, Вайомингдаги банкни тунашга журъат этди. Унинг мақсади қамоқхонага қайтиш бўлган, деб хабар қилмоқда Associated Press.

Полиция маълумотларига кўра, 59-ёшли Линда Патриция Томпсон банкни ўғирлагач, пулларни деразадан сочиб юборган ва полициянинг келишини кутиб турган. Ҳуқуқ посбонлари келиши билан уларга ҳибсга қайтмоқчи эканини айтган. Унинг сўзларига кўра, Линда бошпанаси йўқлар учун мўлжалланган уйдан жой ола билмагач, кўчада яшашни истамаган. 

Бу ҳодисагача ҳам Томпсон ўғрилик учун қамоқда ўтириб чиққан эди. Муддатидан аввал, озод этилиши билан, маҳбусликдан қутилишни хоҳламаётганини айтганди.