France Football ва ФИФА “Олтин тўп”ни топшириш бўйича ҳамкорликни тўхтатди

Франциянинг France Football нашри ва ФИФА ташкилоти “Олтин тўп” совриндорларини аниқлаш ва мукофотни эгаларига топшириш бўйича ҳамкорликни тўхтатди.

“Олтин тўп” соврини 2010 йилдан буён дунёнинг энг яхши футболчиси учун ФИФА ҳамда France Football нашри томонидан ҳамкорлик асосида аниқлаб келинади. Улар эндиликда ҳамкорликни тўхтатди. Маълумотларга кўра, келгуси йилдан бошлаб “Олтин тўп” мукофатини топширишни France Football нашри яна ўз зиммасига олмоқчи. ФИФА эса бунга аралашмайди.

Таъкидлаш жоиз,ФИФА ва France Footballнинг қўшма соврини 5 йилдан буён икки нафар футболчига берилмоқда. Булар – Криштиану Роналду ва Лионель Месси.