Бельгияда биринчи марта вояга етмаган болага нисбатан эвтаназия қўлланди

Бельгиялик шифокорлар вояга етмаган оғир аҳволдаги болага нисбатан эвтаназия қўллашди. Бу ҳақида Reuters хабар берди. 

2014 йилда барча ёшдаги болаларга нисбатан эвтаназияни қўллашга изн берувчи қонун қабул қилинганидан кейин бу муолажа илк марта амалга оширилиши. 

Федерал комиссия ва эвтаназияни баҳолаш қўмитаси раиси Вим Дистельманснинг маълум қилишича, мазкур ҳолат ўтган ҳафтада қайд этилган. У боланинг аҳволи оғир бўлганлигини қўшимча қилди, бироқ унинг касаллиги ва ёшига доир маълумот бермади. 

Бельгияда 2002 йилдан эвтаназияга рухсат берилган. Бугунги кунга қадар Бельгия барча ёшдаги аҳволи оғир болаларга нисбатан эвтаназия қўллаш рухсат этилган дунёдаги ягона мамлакат бўлиб қолмоқда.