Жолининг отаси қизи ва Питт ҳақига дуо қилишларини сўради

Анжелина Жолининг отаси, актёр Жон Войт қизининг Брэд Питт билан ажрашуви ҳақида изоҳ берди. Унинг айтишича, бу хабар уни шокка тушириб қўйган, шу боис у қизи ва куёви ҳақига дуо қилишини маълум қилган. Бу ҳақда Inside Edition нашри ёзмоқда.

77 яшар Войтнинг фикрича, эр-хотин “ўртадаги бирор-бир жиддий сабаб туфайли” ажрашиш ҳақида ана шундай қарорга келишган. «Мен нима бўлганини билмайман, аммо буни эшитиш жуда қайғули. Улар ҳақига дуо қилинг», — деди актёр.

Эслатиб ўтамиз, Жоли 19 сентябрь куни актёр Брэд Питт билан ажрашиш учун ариза берган эди. ОАВ маълумотига кўра, актриса эрининг болалар тарбиясига беэътиборлигидан норози бўлган.