Япониялик дизайнер шоколад ифорли кимоно тикди

Япониянинг Киото шаҳрида дизайнер шоколад ифори таратиб турадиган матодан кимоно тикди. Бу ҳақда “Киодо” агентлиги хабар бермоқда.

Унинг маълумотига кўра, Нобуаки Томита ўзининг ушбу ишини мана шу ой Япония ва Италия муносабатларининг 150 йиллигига атаб Туринда ўтадиган маросимда тақдим этади.

Дизайнер шунинг билан бирга туринлик ҳамкорлари билан Италияда ўсадиган какао-боблардан ҳам мато тайёрлашга уриниб кўради. Унинг бу борадаги бундан аввалги ҳаракатлари омадсиз якунланган эди.